Plantun de Prouvènço

Pèr coumpara dos planto d'encò nostre

Lonicera implexa & Picea abies

Engraisso-cabrit

Lonicera implexa

Caprifoliaceae

Àutri noum : Bouquet-de-la-Santo-Vierjo, Cabrifuei, Maire-séuvo, Pandecousto, Pèd-de-Sant-Jan.

Noms en français : Chèvrefeuille des Baléares, Chèvrefeuille entrelacé.

Descripcioun :
Aubret bouissounous e peréu escalant qu'a si fueio embrassanto e duro. Fai de flour emé un long tube, ço qu'à douna li noum de baneto (encaro sarrado) e de sabatoun (un cop duberto). Lou fru èi coulour d'arange.

Usanço :
Coume pèr la maje-part di Lonicera, li fru soun empouisounant (sabounino). Ei pamens uno planto vertuouso contro lou toussi (flour) e li fueio sarien astringènto, diuretico e sudourifico.

Port : Aubret
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Lonicera
Famiho : Caprifoliaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Pancaro entresigna
Couroulougi : Pancaro entresigna
Ref. sc. : Lonicera implexa Aiton, 1789

Serento

Picea abies

Pinaceae

Àutri noum : Serénta, Sarento, Sourento, Serinte, Sùfi.

Noms en français : Epicéa, Épicéa commun.

Descripcioun :
Pèr pas s'engana emé lou sapin fau regarda coume soun lis aguio o peréu li pigno (o vacheto). Li fueio de la serento soun estacado tout à l'entour de la ramo coume uno brosso, au contro de li dóu sap que soun tóuti dins lou meme plan coume un penche. De nouta pamens qu'acò marcho pas pèr d'ùni sap fourestié (coume Abies pinsapo). Li pigno pendoulon, alor qu'encò dóu sap, quouro li poudès vèire, se tènon bèn drecho.

Usanço :
I'a touto meno d'utilisacioun dóu bos segound sa qualita. La pegoulo (resino) èi di proun vulneràri. Foundudo, servié, à passa tèms, pèr sougna li tigno (J.-R. Fortoul). Li jóuini fueio soun manjadisso (ensalado, pèis), an lou goust de citroun.